自從逸逸識行之後,成日都想發掘一D可以讓逸逸開心放電的地方,有一天看到有個教友在FACEBOOK POST了中山紀念公園的相片,才發現香港原來有一個咁靚的公園,結果係除夕當日去完聖堂就去行下。
九龍站做緊熊本熊宣傳
可以開心影靚相
公園位於港島線的西營盤站附近,上次我和恆仔暢遊西港島線的時候西營盤站仍未開通,所以我也是第一次使用西營盤站呢﹗
落左地鐵上到地面,向海邊走去就是中山紀念公園了。
根據歷史記載,孫中山先生因發動革命而被滿清政府迫害,後來更被港英殖民政府驅逐出境。其後,孫中山先生多次途經香港往返內地時,均只能在船上約見香港的同志和支持者。其船隻停泊的地點,就是現時中山紀念公園的位置,而公園亦據此命名以資紀念。
歡迎來到中山紀念公園
公園平面圖
人頭湧湧的兒童遊樂場,逸逸的競爭力是零,所以直接跳過這兒。
公園最正的當然是又大又平坦的草地,我問恆仔點解D人成日話屯門有牛都無咁正既草地,恆仔話D草俾牛食晒喎~
跑呀~
係度同逸逸玩追泡泡就最開心喇~我地係度見到人地個泡泡槍出泡泡又快又多,第二日即刻去玩具反斗城買番個。
跑到逸逸腳仔軟之後,我地去左育嬰室幫逸逸換片,雖然話有好過無,但係衛生情況都真係幾差下,可免則免。
依度有個好雅致的鐘樓,原來鐘樓是想表達孫中山先生青年時期在香港接受教育,及其如何產生革命思想之由來。鐘樓頂部是以香港大學本部大樓為設計藍本。而五個銅鐘則寓意孫中山先生在1921年發表「五權憲法」的思想。五權憲法乃指行政權、立法權、司法權、監督權和考試權。
有關鐘樓既資訊其實都係番黎上網SEARCH先知,總之靚喇~
海邊依個水景廣場超靚
係度散步真係好舒服
逸逸見到個噴水池超興奮,依家成日話要睇番依段VIDEO。
我地沿住海邊慢慢散步去到上環,再搭地鐵離開。
逸逸見到恆仔拖住我隻手,又唔執輸要拖埋一份,好搞笑~